..............يا دنيا ليه................
يا دنيا ليه أنا ظالمانى. وليه تمللى معندانى
فى الفرح دايما نسيانى. للحزن على طول فايتانى
يا دنيا ليه قاسيه عليا. بيهون عليكى دمع عينيا
من قسوتك أنا فاض بيا. خفي الهموم عنى شويا
لو مره تطفيلى لهيبى. وتجيبى مالغربة حبيبى
الحب فيكى يا دنيا عذاب. وامله فيكى أمل كداب
الغدر بيجى من الأحباب. ويا ريته يجي من الاغراب
يا دنيا قاسيه وجراحه. وبحزنى راضيه ومرتاحه
أيوه بقولها وبصراحه. ما شفت يوم منك راحه
شفت العذاب أشكال وألوان وشربت مر فى كل مكان
خلاص تعبت من الأحزان أروح لمين وأشكى الحرمان
وبرغم كل اللى جرالى. ادينى صابر على حالى
يمكن فيوم يرتاح باللى. وساعتها عيشتى حتهناللى
يا دنيا ليه أنا ظالمانى. وليه تمللى معندانى
فى الفرح دايما نسيانى. للحزن على طول فايتانى
........بقلمى..........
د/ابراهيم على مسلم
ليست هناك تعليقات:
إرسال تعليق