((نصيحه صريحه كتير منيحه))
(( كمان مريحه))
//////////////////////////////////////////
أصمت،،، لأجل ما تزمط
م الأشكال
رايح توقع مافي مجال
الكلمه رصاصه لو حكيتا
وصبت الخصم
ابترجعلك بتشوف حالا
دمك سال
/////////////////////////////////////////
تعمل حالك مفلسف
وتصول وتجول؟؟!
لو غلطت ونطقت أتأسف
ت العفو تنول
وألا قسما عظما اسمع مني
صاحبنا الغول
اسنانو مسنونه
وبقرمش عضمك بالحال
//////////////////////////////////////////
أبقى ساكت ت تعيش
حياتك بسلام
عندك كلمه أنساها
وبسرعه قوام
تقللي صراحه ؟؟!
بقلك يازلمه أفهام
اللي دفعك حتى تحكي هالزلمه
أكبر دجال
/////////////////////////////////////////
أملو توقع ت يطلع
ويدوس عليك
قلك أنت ولا أروع
وشد على إيديك
ولما تغني المطلع
ماتشوفو عينيك
توقع أنت ويفركها
تخسا الرجال
/////////////////////////////////////////
شعر ؛ نذيردهان
ليست هناك تعليقات:
إرسال تعليق