اشمعني انا
واقفين علي تكه
والدنيا مش ساكته
عماله تهد فينا
وكأننا في عركه
والحظ مش ماشي
ومهما نغير ورقنا
حكم القدر ماشي
يا دنيا علي مهلك
خفي وهاتي اخرك
وقوليلي حفضل لامتي
ماشي ومش فهمك
خادتيني علي غفله
والاومه مش نافعه
كل ما بسند بأيدي
بتجيني تاني واقعه
عايش بقول نفسي
وبعلي انا حسي
وياريتك تكوني سامعه
او حتي بتحسي
طب ليه معنداني
واشمعني انا تاني
متشوفي حد جديد
يشيل بقي مكاني
اشمعني انا
الشاعر محمد صبري الميهي
ليست هناك تعليقات:
إرسال تعليق