لازم نتوب
في كل كلمه لازم بنحلف
علشان نصدق بعض
الشك بقي بنا طبيعي
والكدب زاد ع الحد
اسفين وعندك حق
واللي اتظلم بنقوله ذنب
واكيد عملته في حد
الطيبه راحت مننا
وكلامنا بقي ع الاد
بنخاف نقول لنتظلم
وكلامنا يوصل حد
حتي السلام بقي للغرض
بقي له تاريخ وبوقت
وكلمة سلامنا لربنا
مبقتش تعجب حد
ازاي بنعتب ع الزمن
وزمانا ملهوش ذنب
احنا ظلمنا في نفسنا
والظلم زاد ع الحد
احنا اللي ناسيين ربنا
ووصلنا لطريق سد
وعشان نفوق لازم نتوب
ونحب بعض بجد
الشاعر محمد صبري الميهي
ليست هناك تعليقات:
إرسال تعليق