بقلم ... الشاعر / مصطفى فريد / .... من روائعه /// مسحراتي ///

الحلقة ( السادسة والعشرون ) الثلاثاء
للشاعر/مصطفى فريد

مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين

نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين

الفرح جالنا. فى مشروع قنالنا
باني آمالنا. بكره لعيالنا
عنوان حاضرنا
والجاى ساترنا
برغم انف المغرضين

أعلام وزينه. ماليه المدينه
رفرف حمامنا. قدام عنينا
بالحضن خدنا
على أحلى مينا
تشوفها عين

فوق أرض سينا. كتبت إيدينا
بالدم جينا. نطرد بحق
اللي معادينا
وجاى يسرق
منا الطحين

با نادى دايما الله ربى وهادى قلبى
فى كل وقت وكل حين

إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم