أمسيات الحسن. .23/ 2/ 2022
( غاوي شخبطه )
بقلم الشاعر : حسن حلمى
لذيذه الدنيا من غيرهم
ولا نسأل بأحولهم
ما ياما كتير بعتنالهم
وخطينا ألجمر لعيونهم
وأخرتها يبان لونهم
بيتغير
كأن الوش بالضحكه
ده منور
وبيسلم بطرف العين
ويدور
يقابلنى ويفرد أيده
يحضني
يقول فينك بتوحشني
تشيل همى
أطبطب ليله على كتفه
وأقوله يا صاحبي لا يهمك
أنا منك أشيل عنك
ولا يهمك
أزيد الكيل
كمان مره
وبالمره أشوف الضحكه بتنور
على خدك
ويتبسم
يقول زيك مفيش زيك
ودمعه بألعيون
ساكن
أصدق يومها دا حبيبي
ولا عمره
هيتغير
أتارى الضحكه دى خاينه
ودمعه بألعيون
زايف
بيتلون
ليهرب قبل ما يسلم
ويتكلم
ولا كلمه
ما هو عارف طريق الغدر
يمشيله
بكام غنوه
ونفس ألحن يتكرر
لكام مره
ودمعه
يسبق النغمه
ويتمسكن
كمان مره
كفايه
حكايه دى مره
وخلينا نعيش العمر من الأول
نصاحب
ناس
تكون حلوه
لا تتغير و تتلون
بقلم الشاعر : حسن حلمى
ليست هناك تعليقات:
إرسال تعليق