شو بدو الراتب يرتب حتى يرتب
الله يعينو مابيقدر يسند حالو
باول يومين م الشهر عليه بشططب
اجوع واعرى واشقى شهر بحالو
بدي اسرق وانهب بدي اهررب
واعمل كلشي العقلي يجي على بالو
سمعوني قالوا يازلمه شي بيقبب
ان راح الراتب او حتى أخد خيالو
حلوق مفتوحه وما عندي لقمه اسدا
ومرض ومصايب على راسي كتير بلاوي
بتقللي اصبر الشغله أخدت حدا
قللي دخيلك فهمني شو اساوي
بتقللي حدودك وفوقا لا تتعدا
يازلمه قللي بصراحه على شو ناوي
من قهري الدنيا بحالا بدي اهدا
ماني سائل وبتحدى الكون بحالو
ولسه تقللي اسمعني وخليك رايق
ياعمي اتركني بحالي مابدي نصايح
بهالدنيا ماهو عايش الا العايق
يرتشي ينصب بالعالم كلن طايح
بظهر جنابك عم تشخر ومانك فايق
عللى بيبكي ومقضى عمرو نايح
لف ما عندك لاتحكي ماني طايق
عمري الواحد بيفكر يبيع عيالو
دخيلك ربي ع كلامي المر سامحني
ماهو بايدي ولا عم بقدر اتحمل
فقري الظالم هاجم بدو يدبحني
ايمتى ياربي احوالي رح تتبدل
طل ملاك الخير حاكاني صار ينصحني
قللي اتهدى بتجزى بصبر اتجمل
صابر ع قدري بنصحو كتير ريحني
شكرت الباري وع خدودي دموعي سالوا
ليست هناك تعليقات:
إرسال تعليق