سحر النايات//محكي//
بحبال صوتك نايمه كلمات
فيها سحر نايات متخبي
لو تنطقيها بتنطوي رايات
شوقي اللي نارو عمر بقلبي
من عطر خدك تجتني الزهرات
وتمزج عطرها بعطرك محبي /ه
خوفي الندى الغافي على الشفَّات
تحتاج منو سنينها الصعبي/ه
يا عيون عم تبرق كما الغيمات
عم تسحب العتمات من دربي
فيكي القلم ساحر ألو لمسات
والحبر همو يجسد الرغبي/ه
يا لابسي توب القمر بالذات
طلي قبل ما تختفي الأحلام
ياورد روحي انتي والتربي/ه
بقلمي رامز دلول
ليست هناك تعليقات:
إرسال تعليق