كلام في الكلتش
***************************
اِسمع مني تجارب وكلام في الكلتش عشان متتهورش
كافيين خيرنا شرنا وبرضه ................... مبينفعش
ماشين جوه الحيط وبراه .................. ومبيعجبش
بِعِدنا عن القيل والقال ....................... ومبنسلمش
قافلين البيبان وبيجي الشر منين ........... مبنعرفش
عاوزين نخرج من جوه القمقم .............. ومنتزنئش
عاوزين نبطل نشيل الحمل ............. عشان منتعبش
نبطل منسألش على اللي ....................... ما بيسألش
ونضرب الدنيا طبنجة ............................. ومندورش
وننضف ونحلق للناس .................. اللي ما تستهلش
وبلاش ندق على الكبيرة والصغيرة علشان .....مابتفرقش
وتنسى الهم دايما عشان ......................... مايجلكش
وحط أعصابك في الثلاجة علشان ........... ماتتعصبش
واعمل ودن من طين وودن من عجين...... وماتسمعش
وكبر دماغك على الآخر .......................... وماتفهمش
واستعبط فيها قووي ............................... وماتعملش
واسمع من هنا وفوت من هنا ................... ومتنفذش
لفينا الدنيا كعب داير وبرضه ..................... ماعجبش
نحتنا في الصخر وبرضه الشكر ................. محصلش
ولعنا صوابعنا العشرة شمع ......................... وماتمرش
مشينا عدل وما احترش عدونا ................. ومستغربش
خذها نصائح وحطها حلقة في ودانك....... عشان متتبهدلش
بقلم الأديب والشاعر المهندس / محمد عوض
بتاريخ : 26 / 02 / 2022
ليست هناك تعليقات:
إرسال تعليق