قلبك مكاني
ـــــــــــــــــــــــــــــ
بعشقك والعشق شويه عليكي
ياللي نور الشمس من نيني عنيكي
بعشقك يا كل اللي ليا
يام قلب نهر من الحنيه
وكلي ملك قلبك
وكلي ملك ايديكي
يااغلي ماليا
بعشقك
ياللي خدودك بستان
وضحكتك أمان
ياللي حبك علمني
ازاي أكون انسان
وقلبك الكبير
رقيق زي النسمه
ناعم زي الحرير
ياضي القمر
ياونيس السفر
يأغلي من النفائس
وأغلي من الدرر
بعشقك والعشق شويه عليكي
بعشقك
بعشقك ياكل كياني
مالكيش في القلب تاني
ولا غيرك يسكنه
ودا اللي مطمنه
وان يوم سالوني
عن سكني وعنواني
هاكتب علي جبيني
اللي عاوز يجيني
جوه قلبك مكاني
بعشقك
والعشق شويه عليكي
بعشقك
ياللي ماليش غيرك
ولا قلبي فيه غيرك
ولا دنيايا تحلي
يااحلي من كل أحلي
دا الحياه رحله
ابدا يوم ماتحلي
من غير ك
مانا ماقدرش أعيش
ولا يهنالي عيش
ياحبيبتي من غيرك
مانا بعشقك
والعشق شوية عليكي
بعشقك
ــــــــــــــــــــــ
شعر السيد حماد
ليست هناك تعليقات:
إرسال تعليق