مش محتاج عيد افتكرك
ده قلبي عايش بنبضك
حتى لو فارقتى الحياه
هيفضل فى حياتى سرك
فى هوايا أكسجينك
غطايا هو حنانك
العطايا من يمينك
فى كل الزوايا صورتك
انتى بصمه فى حياتى
محفوره جوا جيناتى
مابين ماضي وأتى
بوصلة اتجاهي أمرك
مهما كنت فى الشباب
او كبرت وشعري شاب
حنانك دايما غلاب
بيحسسنى انى طفلك
انا اكتر واحد يعرفك
لكن مقدرش اوصفك
انا يادوب ايديا تلمسك
احس رحمة ربي بنبضك
انا ممكن انسي اسمي
لكن انسي انك امى
وأنتى بتجرى فى دمى
بعد موتى تلاقينى فاكرك
***************
وحيد احمد
ليست هناك تعليقات:
إرسال تعليق