/////////***سوق لمعاني***/////////
سرجت خيلي ف حركة لكلام
سافرت بخيالي لسر لحلام
خطوة خطوة لسوق لمعاني
وانا للي ماشي لعنواني
امحزم بحروف ليها قوام
عودي ياك زولت ليه لجام
رفصتني بسرار سر لحروف
فتحت زهارها خلاتني نشوف
من شلال لكلام وسقيتها
من لحلام راني ارويتها
من لمحابر كتبت لقصيدة
ونقشت الصورة اجديدة
هكذا شديت لحروف طريق
وعبيرها درتو ليا رفيق
سلمت نفسي لرحيق لحروف
بالحب رقصت ليا المالوف
وبلى ميعاد حلق لحمام
ذبت في حضن ثغريد سر لغرام
شرقت شمسي وسط حبابي
والكمرة خادتني لصحابي
فوق عودي وانا ماتخبيت
ولقيت السربة للي حبيت
بقلم صقر الحروف الزجال المحجوب بوسبولة
ليست هناك تعليقات:
إرسال تعليق