سكت الضرب وانتهت الحرب
والهم بدربو أخد الكرب
قوموا لنسجد سوا للرب
الرخص أجانا حتى يحوش
الغلا الفعلو فعل وحوش
جرروا وقلعوا م الشروش
طبق البيض بقرش مبخوش
والخاروف بعشر قروش
السجن أتعبا اصحاب كروش
اللي اشتغلوا سلب ونهب
عجبك سيدي؟؟انقلع الهم
ووقف سيلو لنهر الدم
لا تسألني البنت بكم
مهرا حسب كرم الشب
بالصبحيه شنقوا الضيم
وبالضهريه عصرواالغيم
العصريه جوز فطيم
قللا فوتي وفتح القلب
فينو هادا الكان يقول
الحرب ابدا مابتزول
لما اقللو مو معقول
يقللي لفا قوام وأنضب
شو عم بسمع؟!أصوات مدافع
عن أحلامنا عم بتدافع
م اللي نازل واللي طالع
دمع الفرحه بيجري صب
هادا ياعالم كان الحلم
هاتوا تفسيرو يا أهل الفهم
صرخوا أستعجل يللا ولم
كراكيبك لسه ع حالو الحرب
شعر، ، نذيردهان 
ليست هناك تعليقات:
إرسال تعليق