أمسيات الحسن. ( جريد النخل ). .17/ 3/ 2022
بقلم الشاعر: حسن حلمى
لساك يا واد تعافر
لتطول
جريد النخل من بدرى
لساك بتحبى الخطوة
لحبيب
سرق العمر بالهوى بدرى
لساك تنادى الطبيب
والجرح
نافد بالوتر بدرى
لساك بطيب النفس
تتبسم
وتقول لسه بالعمر بدرى
والقلب لساه حنين
ليعشق
بالسماء بدره
لساك تعافر ياواد
وتضرب بعود الناي موال
والدنيا حالها
لا بيرسى يوم
على حال
بس ابتسامة
جدع
بكفى طيب الحال
وقالوا ناسنا زمان
خليك أصيل يا جدع
ولا تشكى
مر الحال
بكره نهاره قريب
وما تغيب
الشمس بدرى
وتلاقى الف حبيب
يعشق هواك
بدرى
بقلم الشاعر : حسن حلمى
ليست هناك تعليقات:
إرسال تعليق