مِد حَبال الصَبر
وخلى الحبل يِطَوّل
كُل شىء لُه أمر
ومسيِرها هَتتعَدل
وأن طال زمن المُر
أيامُه ...... هتتبَدل
أخر الليل فَجر
ونور الصبح يكَمل
مَهَما الصبر ..... يِطَوّل
والبَال بأحلامُه مَشغُول
والحلم يفضل مَجدُول
فى الصبر أنا هاتحمِل
لو الحلم زمانا تَجَاهلُه
هَنفضل كِده ...ننده لُه
لوحتى ماشي على مَهلُه
أكيد مع الصَبر هيوصَل
لو كان فى الصبر عذاب
ده أخر الصبر ثواب
الجنه بدون حساب
وده الأمل المتأمل
مِد حِبَال الصَبر
وخلى الحبل يِطَوّل
أخِر الصَبر جَبر
والعُسرأكيد يتحَوّل
*************
وحيد احمد
ليست هناك تعليقات:
إرسال تعليق