منلوج عواشه
************
عواشه لبست ميني جوب
قالتلي اتقدملي اخطوب
تعوا شوفوا عملت افلام
ياسلملم سلم ياسلام
الوان وبالسينما سكوب
********************
قال بدها تدرس أخلاقي
مو يمكن على غيرا بقاقي
قالتلي تقبر معلاقي
غازلني قللي بهواكي
وسهرني بالنايت كلوب
********************
وسايرتا واخدتا ع سهره
وحميده حبله على شهرا
شافتها غارت من قهرا
رفستها برجلا على ضهرا
البيبي اتدندل م التوب
********************
عواشه قالتلي أهواني
وبقلبك سجل عنواني
ما بدها كأني ولا ماني
ياحبيبي واغلى خلاني
لو تبعد عني رح دوب
*******************
قلتلا خليني بحالي
الزيجه ماهي على بالي
قالتلي افهمني ياغالي
أتجوزني وصير حلالي
وا عتبرا تكفير ذنوب
*********************
عواشه انشالله تعيشي
بقلبي وروحي وفشافيشي
مسطول وانتي تحشيشي
زفتنا على ضهر كديشي
ونتمشور من صوب لصوب
*********************
*********************
شعر ؛ نذير دهان
ليست هناك تعليقات:
إرسال تعليق