نظره بتقول الف كلمه
من وطن مليان رجال
مع قدس وبتنده لإمه
أمه مش ناويه الوصال
ياعرب محتاجه همه
همه بعزيمة جبال
هتفوقو م الغيبوبه امته
دي القدس دخلوها بنعال
والبارود فوق راسنا وإحنا
في الصلا من الاحتلال
اتقتلنا واتدبحنا واتطردنا
من قدسنا ارض الجمال
شايفين دموعنا ياعرب
حاسين بنارنا ياعرب
بتسمع قلوبكم جوه منكم
صوت كل طلقه بتتدرب
ولامات فيكم ضميركم
وضاعت نخوتكو منكم
قولو شايفه القدس عينكم
ولا حال امتنا مال
ياعرب متقولو فينكم
فلسطين طالبه الوصال
القدس بتضيع من ايدينا
والطوب مابيغيرش حال. إلهلالي
ليست هناك تعليقات:
إرسال تعليق