كوكتيل هلوسات
*************
غراب طاير سألتو رايح على فين
شادد عزمك وغاير ياغراب البين
قال تاجر حرب بعتني لعند الفقرا
ت ازيدن جوع وعازه وهموم ودين
*************************
سألتني شو رأيك بالحب
ورمتلي برمشا غمزه
قلتلا طريقو صعب
وبالقلب بيعمل هوه
فتحت عيوني من النوم
أتاريني عمال بحلم
وتفسير منامي بشي يوم
رح تفرج وأشبع خبز
***************************
قال بالدنيا حبيبي المال
وحلفلي لغيرو قلبو مامال
مات وخلف الملايين
بكفن رخيص وع خشبه انشال
**************************
قلتلا بحبك قالت فت
لوكنو قلبك يهواني
قلتلا منين؟؟!ساكن عت
ببيتي وفاضي جزداني
عيشتي نار على خل على زفت
عما بيغلوا بكياني
قلبت وجها ولما قلت
شوصابك ؟؟!قالت إنساني
**************************
ياسيجاره قطعتي نفسي
قولي شو اللي بيني وبينك
أبوسك وأنتي بتمي بتفسي؟؟!!
حطي حصوة ملح بعينك
**************************
شعر ؛ نذير دهان
ليست هناك تعليقات:
إرسال تعليق