بقلم الشاعرة / مني صالح
"" "" "" "" "" "" "" "" "" "" ""
قــولي لبـلادى
༺༺༺꧁꧂༺༻༻
قـولي لبلادى ياما
هاقدملك ابني عريس
ملفوف بالعلم
ومتغسل بدم غالي
مش رخيص
قـولي لبلادى
أنا هبقي عريس في الجنه
معلش ياما
عن الشهادة
مش قادر أستني
ومش هاقولك مع السلامه
كنت في سينا بحميها بشهامه
و أوعي تبكي ياما
لو بكيتي ها يوجعني البكي
قولي لبلادي
أبني فداكي
ادى التحية ونال رضاكي
وأوعي تبكي ياما
عشان أبنك شهيد
وارفعي راسك يا امي
دا كفني علم والشهادة عدية العيد
اوعي تبكي ياما
وأنا
راجع ملفوف في العلم
مش عايز اشوف في عيونك نظرة ألم
اوعي تبكي ياما
مش كان
نفسك تشوفيني عريس
في الزفة ياما
والناس حواليا واللمه
طب قــولي لبــلادى
انا في الزفه شهيد
راجعلك ياما
ودا يوم عيد
أوعي تبكي ياما
و أنتي عارفه انك ضي عيني
وابتسامتك بتنور سنيني
طب
فرجيني ياما
فين الابتسامه
بكرا عند المولي نتقابل
وتشوفني شهيد الكرامه
مهر الجنه
انا قدمته
و دمي في ارض سينا
انا سلمته
و حطي ايدك ياما
علي قبري
أنـول منها رضاكي
والارض اللي ها ترويها بدموعك
انا سقيتها بدمي
لاجل دعاك
بقلم الشاعرة / منى صالح
ليست هناك تعليقات:
إرسال تعليق