( نفسي احلم )
*****************
بقلم الكاتب
محمد عباس
الاسماعيليه
********************
نفسي احلم من جديد
نفسي املا الكون ورود
نفسي احكي واقول واعيد
ليه بنخلف في العهود؟!
********************
نفسي انام مبسوط سعيد
نفسي ارتاح من الهموم
نفسي ازيل كل الغيوم
نفسي افرح كل يوم
********************
نفسي انزل في البسين
والا بانيو فيه واعوم
نفسي كل حياتي عيد
نفسي انسي اي لوم
*******************
نفسي اكون انسان فريد
كل حلمي اكون وليد
نفسي افتح عيني الاقي
كلمه حلوه ومد ايد
*******************
والا بسمه صافيه طالعه
جوا قلبي ومن الوريد
نفسي نبعد ع الخصام
قلب طيب مش كلام
***************
اللي يحزن كيف ينام
لو نسبنا م الكلام
لونفكر في الحنان
او نزيل بينا الالام
*****************
كل زادي واللي باقي
قلب طيب فين الاقي
اللي باقي يوم رجاء
دعوة حلوة في الخلاء
****************
نفسي نوصل في حياتنا
فيض وجارف من عطاء
احنا فين وايه غايتنا
عمر عدي في عناء
******************
كلنا ليه حق الضعيف
كنا نضحك م الشريف
سبنا حد كان نضيف
بعنا روحنا عشان رغيف
ليست هناك تعليقات:
إرسال تعليق