....... الحق والباطل .......
الحق والباطل سوي
صدفة كانوا ماشيبن
من ميت سنه أو ألف
يمكن كمان ملايين
الحق يومها أشترى
بغلة بدينارين
وركب عليها شويه
وصعب عليها الشين
نزل عنها وقاله
اركب لحد العين
ركب صاحبنا ورفض ينزل
وقاموا أتعركوا الاتنين
فمر واحد عليهم قالوله
احكم مابين خصمين
وأعدل مابينا فحكمك
سيف وله حدين
أنا الباطل وهو الحق
فمين يمشي وفي الدارين
فرد يمشي الحق
بالدارين وله ثوابين
ومر غيره حكم
وعشر الاف ومتين
وهو هو الكلام
ما اتغيروا حرفين
من يومها والحق ماشي
ولا نعل في الرجلين
ولا هدمه ساتره البدن
وعمي وطرش ودنين
وجتله جلطه ماخلت
لا أيدين ولا رجلين
وصار طريح الفراش
والمر صار مرين
ببكي عليك ياحق
يااللي ماليك وشين
وبنعي أهلك وناسك
والحزن لك حزنين
بقلم .. ياسر فؤاد الجدي
ليست هناك تعليقات:
إرسال تعليق