بقلم الشاعرة / منى صالح
"" "" "" "" "" "" "" "" "" "" ""
رحـاب السيـدة
༺༺꧁꧂༻༻
مليان بالدراويش
وعشت انا وسطهم
واكلت من اكلهم
وكمان هواني درويش
شاعر وقلبه حنين
ونفسه مرة يعيش
دروشني يادرويش
في رحاب السيدة
وعشقت أيوا هواه
ماتباركي يا ستنا
عشقـه أنا مانسـاه
دنا دوبت يا ستنا
من نظرة من عنياه
و دروشنا يا درويش
عاشق و عشقـه هيش
نفسـه في لقمـه عيش
ماتباركي يا ستنا
طالب خلاص ودنـا
عاشق ليوم فرحنا
متساعدى يا ستنا
حبيبك الدرويش
قلبه كتير موجوع
حبه أسير مخدوع
وجه رحاب ستنا
يشكي الي في الضلوع
واشكيلك يا ستنا
القلب فيه حبنا
عاشق رحاب ستنا
يامطمنا قلبنا
ماتباركي ياستنا
عاشقه انا درويش
هايم كلام حنيه
عاشق جمال جنية
جنية ساكنة الميه
دايب خلاص في هواها
هايم بحبه معاها
ويدروش الدرويش
ويقول ياستنا
أنا جيت علي بابك
قاصد تباركي الهوا
وطمني أحبابك
عاشق انا عاشق
والخوف خلاص راشق
قلبي انا موجوع من حبها شويه
جنية وفي قلبها كائن خلاص حبها
وعاشقه للميه
وعشقت الدرويش
ومحيره هواها
مابيني وبين بحرها
عاشق لدنياها
وتجرى علي بحرها
محيره قلبها
ماتباركي يا ستنا
عاشق انا هواها
ويدروش الدرويش
حالف ما عمره يعيش
الا في حضنها
ويدروش كمان قلبها
ما تباركي يا ستنا
دا الستات محتارة
حيرانه
غيرانه
من قلبي في وصفها
سلسالة معقودة
جنيه مفقودة
في حبك ياستنا
هتكون موجوده
في ديوان الشيخ عمر
هأكتب تاريخ حبها
وارسم علي قلبها
كلام بحنيه
عاشق انا عاشق
في قلبها راشق
ماتباركي ياستنا
درويشك العاشق
بقلم الشاعرة / مني صالح
ليست هناك تعليقات:
إرسال تعليق