////////+++علمتينا+++////////
كل يوم تزيد حلاوتك
طيبوبتك و صفاوتك
علمتينا سر صيام
دربتينا على لقيام
في عزك سمفونيات
واللطف وسرار الكلمات
وعبيرك فايح بالطيب
ياللي غادي كيف لغريب
ورحلتي علينا في صمت
مبحالك ف سماحة شفت
واليوم جاي تفارقنا
بالدمعة ياك مكلمنا
وشتقنا لك شهر الصوم
دنيا تعطي مادوم
لقلوب ف فراقك حزينة
خيراتك لا منسينا
علمتينا رجوع لله
كل يوم حنا نترجاه
بقلم صقر الحروف الزجال المحجوب
ليست هناك تعليقات:
إرسال تعليق