أنا الغريب
مش مهم تفهم
المهم إنك عارف
والأهم من ده وده إنك
من تحت الضرس شايف
عيب عليك انا الغريب
في الدنيا عايش بعيد
صنعت حدوتة وعايشها
رواية القصة مصدقها
هبعد عشان ما صدقها
هسيب غيري يزوقها
ولأني عارف أسبابها
ومن جوة شايف آخرها
شايفك فاضي من جوة
خايف ومتختشيش
وضميرك شارب حشيش
جاي رايح على مفيش
أوعاك من المحظور
وعقلك يلف ويدور
خد بالك من المستور
وبلاش حلق حوش
انا الغريب
..... محمود عبدالعال
ليست هناك تعليقات:
إرسال تعليق