الحب بيعمل العجايب
***************************
اش احكيلك يا حجه ع الغدروني
وأنا العنتر العبسي اسألي عني
داقت عيونن لما مروا وشافوني
بسهم الحسد شدوا عزمن ورموني
طبيت حالأ جثه مين المتجني
***************************
أجت الشرطه والدوله والتموا الناس
قالوا ويلو الضربو لهالمسكين
لوطب بإيدينا رح نسقيه من مر الكاس
أمر الضابط قال يللا نصبولو كمين
مر الأسمر بهالجثه فاض الإحساس
رجعتلي روحي وكإنو لبسني جني
***************************
ناديتلو حبيبي وسألتو كيف الاحوال
قال متهني يوم شفتك ارجعتلي سليم
كيفك أنت جاوبتو أنا عال العال
كإني بجنه وعايش بفرح ونعيم
قللي بدي تسمعني منك موال
قلتلو دندن ياحياتي وياطبول رني
***************************
موووووال
*********
ليلي ياعيني ياليلي ياعيني ياليل
رجعت لولفي ورجعلي وراق الجو
إنشالله ياحاسد بتقضي عمرك بالويل
وهم وغم وعتمه وماتشوف الضو
ودوم نشوفك بذليه مهدود الحيل
وبدعي ربي العالي ما يخيب ظني
***************************
شعر ؛ نذير دهان
ليست هناك تعليقات:
إرسال تعليق