كلها وحالو
الناس ما مسوقة محنية ولابسة
وبالوقت للي دايز ما حاسة
ومدلية وراها السوالف
وانت باغي تكادد
وكلامك شكون بغاه
في الخيورات رافسة
والفقرا على الفتات عاسة
رجليها بالجوع تخالف
ما يعرفوا لا موسم ولا اعياد
كيدير ويا مگواه
خليني الناس ناعسة
ما گادة على مداحسة
رايهم تالف
كلها حاضي غ للي حداه
الناس مع الوقت ولات مسايسة
تعفط وعلى الارض مكايسة
ما بقى عندها گواد
الوجه كحل والريق ناشف
وحالو عالم به مولاه
القلوب من المحبة يابسة
والناس في النفاق منافسة
ومنهم عداد
وكلها يلغي بلغاه
محگل الشتا علينا حابسة
والايام معاكسة
والرجل ولى على الكذوب حالف
ما يخاف رب العباد
حن علينا يا الله
نجات بوريشة
ليست هناك تعليقات:
إرسال تعليق