منبع الطيبة
بقلمي/ عبدالحميد السماحي
مش تايه فى زحمة الدنيا
ولا خايف من سمكة القرش
مفرشتش للغدر أي فرش
الطيبة واخداني واخداني
طاهر محبوب زي الشمس
ربيعي فى الآيات نسمة
صادق معرفتش أنا الغش
واكلها بالملح وبالدقة
وكمان لو هغمسها بالمش
ماشي فى حالي ولا كلمة
هو انا سالم كمان من الوش
أشوف الربيع يضحك
لكن ليا ليه مابيعطفش؟
ببعد نفسي عن الضلمة
بدعي وربنا ما بيغفلش
مابكلش غير من تعب إيدي
عمري فى يوم ماكنت بكرش
مابصتش للي فى إيد غيري
لإني عن الحق مابنزلش
قلبي صايم عن القسوة
وغير لديني ما بكتبش
دراعي لليتيم مأوي
وعقلي للظالم مايرحمش
ليه يانفسي وجعاني
بسأل والناس ما بتسألش
أكترهم قدامي آيه وحكمة
ومن ورايا لكلامهم مبسلمش
الغربة دايما فى حياتي
مش هكون أبدا تمثال جبس
إمام للحق عالي صوته
أعمالي للآخرة مابندمش
مش تايه فى زحمة الدنيا
بقلمي
د: عبدالحميد السماحي
مصر 
محافظة كفرالشيخ
محافظة كفرالشيخ
ليست هناك تعليقات:
إرسال تعليق