بقلم ... الشاعر / غانم ع الخوري / ... من روائعه /// دلعونة والبحر ///

. دلعونة والبحر

نزلت للبحر نزلت دلعونة
حرقتلي قلبي بسحر فتونا

دلوعة و نغشة و ما حدا قدا
شعرا طاير ع كتافا بيتهدا

لاعبت قلبي مثل ما بدا
سلبتلي روحي البنت المزيونة

لبست صليبا ومزين جيدا
وبتعبد الله و تنسى عبيدا

هيدي هي إللي قلبي يريدا
نتعاهد سوا لبعض نصونا

شفتا ع الشط عمٍ ن تتمدا
سألتا عن اسما قالت ميرندا

رسمتلها لوحة كنها الجوكندا
نظرات عيونا ما يفاريقونا

عزمتني لعندا وقالت نتغدا
وأطيب أكلة من عسل شهدا

إيديها عليي لما بتمدا
بيجمر جسمي مثل الكانونا

محلاها الأركيلة على البرندا
الحلوة حدي و زندي ع زندا

تفاح الشامي بحسُه بِخدا
لمَ إغمزها بطرف العيونا

لمٍ تندهلي و بإيدا توميلي
بفرح و بتنور شموعي وقنايلي

أناغيها بهمس و هي تغنيلي
ونسهر ع لحن عتابا ودلعونا

قبلتها سكرتني بخمر شفافا
و من سكرتها ما عم اتعافا

بعدا وين صارت ماحدا شافا
أخذت عقلي و صرت مجنونا

.. غانم ع الخوري ..