&غيطان الأمل&
شعر/خالد إبراهيم
******************************
ازرع غيطان الأمل
تطرح سنابل نور
دقت ساعات العمل
لجل المكن ما يدور
الكلام مش وقته خالص
العمل هو الأسااااس
مهما طال العمر.خالص
أرض بلدي لازمها فاس
^^^^^^^^^^^^^^^^^^^
ياابن بلدي بإيدك ابني
عمر الصحرا بكفاحك
بالعرق مش بالتمني
راح تدوق ثمرة نجاحك
البليد نبرا منه
والنشيط نديله كاس
الكلام مش وقته خالص
العمل هو الأساس
مهما طال العمر.خالص
أرض بلدي لازمها كاس
^^^^^^^^^^^^^^^^^^^
طول ما صوت الحق فينا
والقمر صورته ف عنينا
والضمير ساكن ف روحنا
والأمل بلسم جروحنا
والنجاح فاسه ف إيدينا
راح يغطي الخير بلدنا
بالكفاح مش بالنعاااااس
الكلام مش وقته خالص
العمل هو الأسااااااااس
مهما طال العمر. خالص
أرض بلدي لازمها فاس
ليست هناك تعليقات:
إرسال تعليق