أعاتبك على إيه وألا إيه
أنت السبب فى جرحى
وأنت السبب فى ألمى
ومهما أداري وأخبى
ربك عالم بقلبى
حزينه ودخلت فرح
وقالت آخذ منه نصيب
والقلب لما انجرح جرحه مابيطيب
وكل شئ يهون إلا جرح الحبيب
يارب ياللى خلقتنى وعالم باللى جوايه
جرح البشر صعب وأنا جرحى ماله نهايه
والدنيا كتبت لقلبى الألم والألم هوالبدايه
واحكى وقول يا قلم إيه أصل الحكايه
أعتب على إللى ظلم وألا أعتب على قلبى
مشيت طريق الألم وبايدى رميت نفسى
فكرت بكره أحلى وهنسى بقى حزنى
الحزن كان مكتوب والجرح دوبنى
أعاتبك على إيه وألا إيه وألا إيه
سنين مرت وعدت والجرح زي ماهو
تجرح وتزيد فى جرحك وبردوا لسه بحبك
لا عتاب على قلب داب
من القسوة ومن العذاب
مسكين ياقلبى مسكين
تشكى وتقول لمين
كل البشر خاينين
وأنا لوحدى حزينه
بتحمل العذاب
أعاتبك على إيه وألا إيه وألا إيه
روح ياقلبى روح
ماكفايه عليك جروح
وخلاص يا دنيا سماح
مش هبكى اللى راح
واللى زاد الجراح
وعجيبه يا دنيا عجيبه
حياتى فيكى غريبه
من قسوة البشر
قلوب زى الحجر
إ كتب يا قلم مين إللى ظلم
وأنت يا حب عمري
أنت سبب الألم
ضحيت كتير عشانك
واتحملت الألم
وكل يوم تجرحنى
صحيح قلبك ظلم
لا عتاب ولاحساب
ولاكلمه فى جواب
خلاص القلب داب
وفات وقت العتاب
وبكره فى حساب
عالم يارب بحالى
حبيته غالى
سكنته جوه قلبى
وجرالى إللى جرالى
يارب دعوة مظلوم
والظلم من غالى
يارب فوضت أمري
وأنت عالم بحالى
أعاتبك على إيه وألا إيه
بقلم محمد كمال
شاعر مصر
ليست هناك تعليقات:
إرسال تعليق