كلامك نصو كذب
ونصو التاني خبال
القرب منك صعب
العشرة بيننا محال
عايش ع سرقه ونصب
ع فرس الحرام خييال
تعبت مني القلب
أنصح ولاع البال
سقيتني مر وغلب
ت صار حالي حال
خليك رايح غرب
أنهب وأجمع مال
أتركني دربي شرق
واضح أعيش حلال
لاتحلم مني بقرب
ضلك رفيق أندال
كنت أنصحك وتقول
أفرقني يا جاهل روح
خليك غبي وجهول
وقضي العمر سنكوح
تحلم بصحن الفول
وانا اكلي لحم ع طول
وعزي ريحتو تفوح
لك أوعى يامسطول
اسمعني كون بحبوح
يكفاك خرف وهبال
مده وصاحبنا فين
طب بجريمة قتل
زرتو بدمع العين
لاقاني،،شفلي حل
الحل أجيبو منين
بعد العسل كول خل
الدنيا وفا ودين
ووقت اللي توفي حل
بالقاعه ولارفيق
حضر جلسة الحكام
تركوه بجرمو غريق
من غير لا كيف ولاكام
لما وقع بالضيق
الكل بدو سلام
والقاضي قال قيام
أوعى علي ياهمام
حيث إنو كات وكيت
حكمنا عليك أعدام
هلق ياعم طبيت
جهزت إلك الحبال
شعر ؛ نذير دهان
ليست هناك تعليقات:
إرسال تعليق