( فراقك صعب )
بقلمي الشاعر/محمد غبن
شاعر عاميه بلغة محكيه
31/1/2022
عشقت فيك الصبا
وكتبت كام موال
كل اللي سمعه سلم
وقال الله على هذا الجمال
والله يا ناس هي فرحة
هنايا وعمر غاب عني وطال
مقدرش أعيش من غيرها
دا حالي هيبقي في أسوء حال
وأرجع أشتهي وجودها والعمر ماأنتم عارفين ف زوال
يعني ماصدقت ألاقيها ونعيش مع بعض ف الحلال
تضلل عليا بحبها اللي إتحرمت من طعمه كتير
هتكون هي فيه كل مااملك وأعيش معاها كإني أمير
حلفتكم بكل مابتحبوه تدعولي تكون عني راضيه
مش برضوا هتبقي السند وسط وشوش ماعدتش فاضيه
اصل انا اما بحب بحب معنديش اي غدر أو إستهوان
وإزاي يبقي موجود وأنا اللي بدور ع الإحتواء والحنان
يعني الطبيعي هكون مخلص و عايز أعيش في أمان
وشاهد علي صدق كلامي نجوم السما اللي ف العنان
بس إوعاك وأرجوك تطولي في الغيبه عني
دا إنت صبحت جوايا و موجوده في النني
يعني الخلاصة ماتغبيش صدقيني فراقك صعب ربنا يصبرني
ليست هناك تعليقات:
إرسال تعليق