موال.... وصيتي
♡♡♡♡♡♡♡
بوصيكم ياناسي ....بغربتي لو اموت
اكتبوع قبري شهيدقضضى ع ايد جبروت
حكم عليه القدر..مايشيل بنعشو حبيب
ما هو بايدو.. هيك...الدنيا كلا.....بخوت
***************************
بودع ليل بلاقي ليل
وناطر على بابك يانهار
ادق الباب يرد الويل
ويعمل حرسو عليي حصار
اقول م العتم انهد الحيل
ابكي ودمع عيوني سيل
بعد القهوه بطعم الهيل
يسقوني كاس الظلم مرار
***************************
اسأل فينو رفيق عمري
الكان لقلبي حبيب وسمير
كان بدقة قلبي يسري
بساعة الشده يجيني مجير
يبعد همي يقتل قهري
يشيلني لسابع سما ويطير
انسى كلشي قاسيتو بدهري
يبدل شوك حياتي ازهار
***************************
يطل الظلم يقول بالماضي
كان العدل هوه السيد
راح من بعدو جيت انا قاضي
وقفت بوجهك ومارح حيد
ان كنك راضي او مو راضي
انا الآمر الناهي وحيد
تبكي تشكي كلو فاضي
فين رح تهرب م الاقدار
***************************
واسمع صرخه... خللوا دمو
يسيل دروب دروب ع الارض
قصوا لسانو لوفتح تمو
وارسموا بين عيونكم بغض
ضربوه ت ينسى حليبا لامو
مهما توسل جوابكم رفض
لو يموت لا،، لاتهتموا
خللوا حياتو شوك صبار
***************************
اه يادنيا من اهوالك
ياما بقاسي ذل وعذاب
مالقيت منك الا مهالك
حتى الشعر براسي شاب
بدي افهم شواللي جرالك
قسيتي بجسدي غرزتي الناب
اوعي يخطر يوم على بالك
رح استسلم او انهار
***************************
لما حاكيتو عن اللحمه
استغفر وقللي قول بلا معنى
قلتلو اللحمه اكبر نعمه
قللي ياخوفي حدا يسمعنا
دخلك لفلفلي هالنغمه
لو سمعونا بنكون ضعنا
ساعتها ياويلنا مافي رحمه
قال مد ادنيك سبع اشبار
*************************** بتسجل بإسموالف قضيه
وعلى جهنم سالك دربو
كلمة لحمه اكبر كفريه
اللي بقولا ياويلو من ربو
خسارتو مضمونه ميه ع ميه
ومايعود أبدأ حدا يحبو
نصيحه بقلبك حط حنيه
أسمع مني لسانك ضبو
لو شفت خاروف خدلو تحيه
وأدعي الله معو يجمعنا
***************************
روح ع السوق وجبلي سيديه
افرح فيها وأسعد قلبي
عم تسألني إينا غنيه
سؤالك هادا بجبلي كربي
كليب خاروف يهز الليه
اهيم بحبو يشهد ربي
صوت تمعايتو يفيض حنيه
يمععي يسعدنا ويطربنا
***************************
شعر ؛ نذير دهان
ليست هناك تعليقات:
إرسال تعليق