بقلم ... الشاعر / محمد مراد / ... من روائعه /// شكوى وقضية ///

شكوى وقضية ..

بدي أرفع قضية على الدنيا ومافيها
وأول قضية أرفعها على نفسي
وبشعل النار بحالي وأطفيها
وأكشف خفايا الروح وأفضح جنوني
خلص ماني مكحلها وراح أعميها
أخرج عن طوري و أقلب اولها على تاليها
أنا قلبي من كثر الجروح و شوق
مل صدري
وأنا صدري من كبر قلبي
ضاق ونفذ صبري
من تشرق الشمس لحتى غروبها
ومن غروبها لشروقها
النار داخل قلبي تحرقني
والشوق مثل النهر بقلبي يجري
ياريتك تعرف غلاك بقلبي
وحبك شو عم يعذبني
بدي
أرفع قضية ع لي فرق بيني وبينك
أرفع قضية بمحكمة المحبة
أرفع قضية و أطالب بلم الشمل
أعمل اعتصام بكل ساحة العشق
بلكي ارفع عن العشاق هاظلم؟

قلم .. محمد مراد ....بافه لافا ....20 06 2016....