بتعاتبي مين ياأم قلب منافق
افتكرى زمن بالحب عايق
كان قلبي لكى عاشق
كانت العشاق تحسدك
على قلب بصدقه ناطق
لمستك بإحساس من حرير
كان قلبي لعشقك أسير
كان لحبك صاحى الضمير
بحنانه للريح يسابق
مفكرتش لحظه نفارق
تغلطى وقلبي يسامح
تخبي وقلبي يصارح
تعتبي وحبي يصالح
من طيبة قلبي الصادق
وانتى تجاهلتي المبادىء
خدتى الحب على أنه لعبه
كل يوم تخترعى كدبه
فى الخداع لكى نسبه
تملأ الغرب والمشارق
وانا لجل حبك اعدى
واقوول قدرى ووعدى
لما لقيتك كلك ضدى
وعرفت قلبك منافق
كرهت عشانك السماح
ندمت ع العمر اللى راح
كرهت اليوم اللى لاح
فيه ظهورك
معرفش سلطان غرورك
والضحايا لكى سوابق
على ايه هنتعاتب
على حب غايب
فى الكدب دايب
خلى العتاب للحبايب
احنا بيننا سلك شائك
وانا على بعدك موافق
.........................
وحيد احمد
ليست هناك تعليقات:
إرسال تعليق