نفس الشبه نفس الطباع
في عشقنا حتى للاوجاع
نفس الطريق مشيناه
كل واحد قلبه تاه
كل منا عمره ضاع
نفس الشبه في إلاختلاف
كل واحد م الثاني خاف
كنا زي النهار والليل
نختلف في كل الآوصاف
كنا أسدين في تقفيصه
والحب بيننا فريسه
واحنا على حلبه صراع
أسدين واقفين جياع
مين اللي ممكن ينتصر
وبانتصاره .. ..يفتخر
لدرجه نسينا اننا حبايب
وحب الذات كان طماع
والانانيه سيده الاهداف
خلت طريقنا كله خلاف
و مخدناش بالنا من فراقنا
وتحملنا فوق طاقتنا
كل احاسيس العواطف
من جوانا كانت معاف
الحب تحول لتحدي
وانا اصلا كمان عندي
وانتى صرتي كلك ضدي
وقلبك للهوى ... بياع
كانت تقيد بيننا النار
نطفيها بشويه سولار
بدون تفاهم او اختيار
مشينا عكس الاوضاع
طردنا من الحب اهدافنا
شيء واحد فيه اختلفنا
نقدم بغلطتنا أعتراف
ويكون ده جوانا اقتناع
---------------------
وحيد احمد
ليست هناك تعليقات:
إرسال تعليق