لــو ليــك قلب مكنتش تبعد
طبعك تخلف قبــل ما توعد
يعنــى ملكش عـزيز م الاخر
كل اما اقـــرب ديمـــاً تبعــد
إتعلمت القســــوه دي فيـــن
كــان قلبك مكســور وحزين
لكــن لمــا داويتــه استقـوى
بعــدمــا كان عايش مسكين
لو ليك قلب مكنش دا حالي
زى الصـوره اللـي سـايبهالي
إتعـــلقت انــا بيــها وديمــــاً
بتقــول إمتــه ترجعهـــــالي
يلـــي مفكـــر حـــبك دايـــم
إزاى بس وقلبـــك صايـــــم
ديماً ناسي دواك فــي الحب
غرقان ليه بتقـول انا عــايم
لو ليـــك قـــلب تقــدَّر يـوم
إن حــبيبك عـــاش مهمــوم
مهما يكـون حـبك دا ملكـني
حبي معـاك لأ مش هيــدوم
عــاوز تقطــع إحسـاسي ليه
الإحســاس نور بمشي عليه
يامــا دعـيت المــولى تكـون
حاسس ديمــاً باللـي انا فيه
يلـي قتلت الإحســاس فينـا
إوعــاك تســأل تانـــي علينا
سبني أعيش وكفــايه جراح
أسفــك بـــرده ما هيكفيـــنا
قــولت لقلبــك إنـــي فـــداه
من عـــاشقُـه بيقـــول لولاه
كنت هتفضل فيها مش لاقي
حــــد يحــبــه ويتمنــــــــاه
لو ليك قـلب تواسي حبيبك
لـو كان ليك متقلش هسيبك
تعــرف لو بإيديا انا هفضــل
باقــي عليك لو مديت إيدك
بقلم الشاعر محمود فوده
من ديوان إبن الصياد
ليست هناك تعليقات:
إرسال تعليق