هو فى زيك تجرحنى وأنا أحايلك
شويه طيب شويه هادى حبة عسل على زبادى
وانت يابنى الساعه دى إيه اللى جابك الناحيه دى
شغلت قلبي المره دي خلتنى أحايل فيك وأدادى
جاى ليه تسكن قصادى مش كنت تبعد عن الناحيه دى
والله أروح أقول لدادى إنك قاصدنى المره دي
كل يوم تشاغلنى حبه وقلبى ليك بيزيد محبه
طيب اهدا ياواد أنت حبه طيرت عقلى من راسى
إيه اللى جابك عند بيتنا وعرفت الزاي عنوان شقتنا
عشان تيجى وتسكن قصادنا والله أروح أقول لمامى
الواد معرفش مالو شاغلى عقلى اليوم بحاله
آه يا جمالوا آه يا دلالوا وأنا قلبي كان عايش فى حالو
معرفش ليه دلوقتي ماله الظاهر إنه حس بجمالوا
ياواد أنت على فين واخدنى وكل يوم الشوق يزيدني
حبك أنت اللى شاغلنى وألا أنت قلبك سايق دلالوا
آه يا واد أنت ياحته منى هفضل أحبك عمري بحاله
آه ياواد أنت ياحته منى معرفش قلبي إيه جراله
طيب بكره تعالى زورنا يمكن ينول قلبي وصاله
بقلم محمد كمال
ليست هناك تعليقات:
إرسال تعليق