قصقوصه الوجع
شايل الدمع على كتافى
ولون وشي زى الشمس ساعه الترحال
وشابت كل اطرافى
وقلبى م الوجع ساكت كما التمثال
وماشي بزق فى الايام معاندانى
وكيف اضحك؟
وجوايا الدموع اشكال
واوجاعى من كتر حلاوتها
لملمتها ولفلفتها بالشال
واحلامى اللى شايلانى
وشايلها فى بير غويط
مقفول عليها الف شوال
زى الورق طيرتها
ودعتها ونعتها فى الجورنال
بينى وبين الضحك سدود وحدود
سبع سماوات بحور وجبال
أنا العاجز ماشي بجر فى رجولى
ملامح وشي بهتانه تشوفها خيال
انا واوجاعى شمس وقمر
توأم متحنطين فى شوال
الله ينور عليك يا بو محمد يا شاعر الأجيال - دمتم ودامت إبداعاتكم . أخوكم أبو مازن
ردحذف