قصيدة:-....يا عم..ياجمال....
*****************
ياعم.ياجمال؛؛
الحمل مال!!
لا عم بيسند و؛
لا خال!!!!
ياعم ..ياجمال؛؛؛
مين اللى قال؟
انه معايا شال!!
عمر الجمل ماينخ أو؛
يرخى الحبال!!!!
ياعم...ياجمال؛؛؛؛
قلة الأصل تلال!
لكنها بتتشال!!
دى العيبة ما تطلعش من حر؛
لكن من الخسيس تتقال!!!!
ياعم ....ياجمال؛؛؛؛؛
دا انا الجمل!
اللى يامه حمل..
ولما ف زنقته وقع؛
لا صعب ولا أتحمل!!!!
ياعم.....ياجمال؛؛؛؛؛؛
يكفى العايب عيبه.
الراجل مش بجيبه!!
أكم من جيب و.شنب؛
تيس الحرة بتسيبه!!!!
ياعم.......ياجمال؛؛؛؛؛؛؛
الجدع بيواجه مصيره.
ما بيرميش غلطه على غيره!!
وإن ف يوم الزمن بيه.مال؛
ما ينمش غير ف سريره!!!!
ياعم.......ياجمال؛؛؛؛؛؛؛؛
كتر الكلام عواله!
أما الفعل أستحاله!!
طول ما بتمد ايديك.لغيرك؛
حيربط جمالك ف الطواله!!!!
ياعم.........ياجمال؛؛؛؛؛؛؛؛؛
ما تحملش علييا برزاله.
أصل لو قامت الغزاله..
حنسى إن أنت. حبيبى؛
حتلاقى غدر ونداله!!!!
ليست هناك تعليقات:
إرسال تعليق