شدو فتاه مخطوبه
saleh
يا لساني قوم و غني
حبيبي جاي يزورني
اسعد قلبي و أطربني
ده اليوم يوم عيدي
اليوم غني ليا اعظم لحن
أديني فستاني يا أمي
عايزه أجمل واحد عندي
ده حبيب القلب و النني
قرر يجي اليوم يشفني
يا احلي يومي ويا هديه
عايشه اللحظه و مستنيه
ميلاد زياره نور عينيي
عايزه يلاقي احلي صبيه
قاعده له بشوق و مستنيه
قعدت قدام مرياتي سعيده
منتظره منها وصيه
اشيري علي يا مرياتي شويه
مش قادره اتمالك ليه نفسي
يا عين فرحتي و يا حسي
بسمع اسمه بتهدي نفسي
وكانه معاه مفتاح قلبي
يا رسول قلبي يا عظيم حبي
عايزك دوما علي طول جنبي
بغيتي انت بغني بلحني
اسعدني كلي والنبي يا ما
انا كنت ميته وعايشه بظلمه
حبه احياني اداني همه
ده حبيبي فوقنا من الغمه
اخلاقه حلوه كلها جمله
معسول كلامه فضيله
اقعد اسمع طول الليله
الواد شاطر جدير بالحيله
اسمه بيجري علي لساني
قرر ما يقول غيره تاني
ترقص جوارحي من تاني
واحلم وانا صحيه ببستان
انا و هو والحب تالتنا
بتجيلي النشوه تغمرني
ده حبه سيل قام وجرفني
مقدرتش امسك انا نفسي
مش عايز لوم بكره تحسي بي
بطير معاه بجميل احلامي
في عز الظهر ويا جناني
اللي بتظهرلي دوما بوجداني
بحور غرامه كلها ماسي
بنظره خطفني من بين اهلي و ناسي
الواد شطانه جزيره بدون مراسي
اسبح معاه بحياتي وانسي
اي غم اصابني واسي
الحياه معاه حلوه كويسه
حبيبي ملامحه كلها جميله
حسن الوجه واحلي ليله
بقضيها مع خطيبي ده حلاوه
تبكي عيوني من الفرحه
اصرخ اقوم هاتوا الطرحه
اليوم عندي ده اعظم فرحه
زفونا الي باب الغرفه
حبيبي اصبح كوني كله
اصبح شمسي اضحي ظلي
لو خيروني بالكون كله
اصرخ واقول ده بيه كله
يا شوقي منه اه و يا عشقي
اعطي لحياتي كل البهجه
ومعدش عندي من لهجه
بس اسمي ينزل علي اسمه
هبقي روحه وكل رسمه
ولو هو بعيش حاف هااقسمه
أعيش معاه عيشته هديه
عاهدته بصدق أمام ربي
انا اصونه من نبع قلبي
او بعد زواجه يلفظه حبي!!!
تعست الخيانه ما هي دربي!!
عقبالكم يا بنات حواء وادام
يا رب يكون من القسمه
أهبه نفسي واحلي بسمه
احلي راجل مع جميل نسمه
هيقوموا يعطوا للحياه بسمه
هترجع تجيلي الحاله تاني
هقوم واصرخ بحبه يا ني
ملك مشاعري انا و جداني
كل ما يمشي اصيح تاني
امتي اشوفك تاني قدامي
اكسجين حياتي الأساسي
احي أعيش انا من انفاسه
دمي و نبضي و تاجي راسي
ملك نفسي و احساسي
هدي نفسي كله و نبراسي
اشيروا علي اهلي وناسي
قوللي اعمل ايه يا خلاني
ده روحي جرت له برهوان
طلعت من جسمي مرجعتش تاني
الحقوني قبل ما اموت تاني
هاتوا ليا العطور و الفستان
اليوم اتعطر لفتي لجناني
زوج وعشقي وفتي احلامي
النهارده اتولدت من تاني
راجعالي روحي بس ثواني
زياره عيد ميلاد روحي
دقوا الطبول يله يا أخوه
انتفض قلبي فين الزفة
معدش في وقتي تاني هوفه
أضيعه بعيد عنه تاني
كلمات: صالح محمود السيد
مصر-القاهره-حلوان
2-1-2021
الحان مخطوبه.jpg
ليست هناك تعليقات:
إرسال تعليق