نصيحة جدي
_________
الجد لما نصح
كان الولد نايم
لافهم ولا فلح
اشتغل مع العوالم
أصل كلام الكبار
حكم ماهواش عايم
في كل حرف منه
تحس الحق قايم
_______
جدي ف يوم قاللي
خليك ولد تمام
علشان تقدر تعلي
ما تقولش حاخد كام
وسيب وراك ذكرى
تبين كل العلام
المال يا بني فاني
ما تبعشي يوم كلام
________
الله يرحمك يا جدي
ويسامحك ظلمتني
عملت فيها أفندي
وكنت إنسان سوي
الجهلة عرفوا طبعي
تعابين مش تنكري
ولا ليهم طبع ثابت
في الظلم بتفتري
__________
قرب قرب يا ابني
وخد مني النصايح
علشان تقدر تغني
طبل ساعة المصالح
مثل زي نجيب
صدقني تبقى فالح
زمن عاوز النفاق
وقول يا رب سامح
______________
حواديت
محمد فتحي عبد الغني
السبت 2021/1/30
ليست هناك تعليقات:
إرسال تعليق