بقلم ... الشاعر صبري رسلان

 فجر بكره (285)

.............

وفتحت باب الذكريات

في كتاب حياتي

ووقفت خايفه

شارده ليه من حزن أتي

أنا ليه بفتش

في اللي راح

وأعيده تاني

وبأيدي أفتح في الجراح

أنا بس ماللي ..

ماشبعت ياما ليل بكا

وطفيت شموع

معقوله أحن للوجع

وأقول رجوع ..

وحروف هنايا وضحكتي

داقت دموع ..

لا عرفت أرجع فرحتي

دبلت وتاهت ..

حتى حروفي إختفت

ولا ليا باحت ..

والقلب جوايا إكتفى

لعنادي شاهد

لا أنا قادره أكمل شوق

لذكرى وصمت جاني

صحتني دمعه عالخدود من خوف كساني

كان نفسي أفضفض وأفتكر لو حتى ذكرى

حنيت لأمس ما أتنسى

لولاه ما فجري إتولد

ولا جاني بكره

وغزلت طوق جوا مني

لماضي ذكرى ..

ووداع يا أمس ما فجري

جاي حروف لبكره

هنعيدها تاني ونفتكرها

في يوم وذكرى

بقلم .. صبري رسلان