العم صلاح جاهين
___________
حد فينا ينكر العم
صلاح جاهين
دا الكلمة عنده يم
وجاهزة للتلحين
(الليلة الكبيرة ياعمي
والعالم كتيرة
ماليين الشوارد يا أبا
م الريف والبنادر)
حبيته انا من صغري
وكتبته ف سطرين
ياما نفسي أبقى نصه
وأطبع في الداووين
وأغزل من شوقي غنوة
تتغنى طول السنين
واكتب هوه وهيه
في عصر المجانين
اللي الكورونا رعبته
وبقينا مفلسين
لا الشكوى عادت تنفع
ولا صاحب كمان أمين
ولا عادش فيه موهبة
ولا حتى مثقفين
شباب نازله ترقص
على مهرجان: (فاضيين)
هوه اللي اسم كده
بيقول مش شغالين
تعالى يا صاحبي أحسن
نربي لنا كلبين
الوفا طبع الكلاب
أما البشر خاينين
كلام جاهل عبيط
كتبه عواطلي حزين
بقى هيه دي معاني
تغير في بنآدمين
أكيد تقدر تخلي
معظمهم مدمنين
يا بختك يا عم صلاح
عشت زمن سلاطين
وسبت الهم فينا
يعملنا مشعوذين
___________
أوجاع
محمد فتحي عبد الغني
السبت 2021/1/30
ليست هناك تعليقات:
إرسال تعليق