قصيدة بعنوان
(هاتصدقني؟؟؟؟)
هاتصدقني.
لو قولت الضحكه
من وشك في حياتي
ليها كوم تأثير.
بأشوف كل الكون.
بيوسع يوسع.
وطاير في أجواءه
عصافير.
وأنا ماسك نجماي.
بتضوي وأفسر
إيه هو حاصل لي
ملاقيش تفسير.
ألاقيني طاير من
الفرحه وكأني.
بطير.
ألاقيني بإحساس
ومشاعر أطنطط
أرقص وأغني.
وحاجات في بتتغير
أيما تغيير.
أقوم وبسرعة
من نومي
فجأه أجيب
قلمي وورقتي
المتواضعه
أكتب لك بيت في
قصيدتي فيها إسمك
عنوانها
خوف أنسى.
ألاقيني إنك تاج
راسي وإني في
مملكتك كأني
أمير أتغندر وأتهندم
وأصلح حالي وأحوالي
على بعضي في
بعضي خوف إنك
تزعل وتشوفني في
عينيك لساني
صغير......
تعرف لما بتتنكد
بشوف كل الكون
أسود قط ليل
مضلم في نهاري.
عادي وبيصير.
لأنك لسه متعرفش
قيمتك ولا قدرك
جواي وألاقي سعاده
في قلبي لوقلت.
بإنك علشاني
من كلمه قولتها
صدفه عن واحده
زمان فتزعل
و تغيير.........
الدنيا فيها إيه
غير إنت متعه وحضن
وقلب حنين بيضم.
ويعشش ويلملمني
ويفرد جنحاته
ويدفيني ويحزن
لو قلبي حزين
موجوع يتألم
على ألمي ويديني.
وعمره مقصر.
ويفيض بكرمه
علي وعلى غيري
غذير.
ويشق الأرض
بضوافره ويريح قلبي
الموجوع بكام كلمه
معلش بكره هاتتعدل
كلام يخلي دموعي
تنزل تصرخ على
خدي أتلخبط
أسكت أسيب لعيني
خيالها تسرح
في عينيه
وتهيم وتروح
هناك وتبعد
على مدد الشوف.
وأموت تفكير.
إزاي أسعد قلب
بيسعدني إزاي أمحي
أحزانه إزاي أغنيه
عن حاجة الناس
ويمد إيديه يسأل
حاجه يردوه
وأنا عايش طول عمري
فقير أدعي وأقوم
الفجر أسأل ربي
بأنه يغنيني.
عشان خاطره.
أبو قلب كبير.
أيوه بحبك وعاوز
كل الناس تعرف.
أيوه بحبك حتى
لو عمري واصل
الستين هاقولها.
إيه هاتقولو إني
إتجننت أو واخد
حقنة تخدير.
لا يا هبايل.
لأنه بيستاهل.
وشايل عني حمل
ميشيلهوش جمال
ولا بعارين.
وله في قلبي
حزمة تقدير.......)
1/8/2022
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق