إفتكرنا القط
.............
قاعد كافى خيره شره لا بيه ولا عليه
طقت فى دماغه فكرة غرضه إيه ناويه
حيبيع ويشترى فينا بكام الدواء نشتريه
لفينا وتوهنا وجينا جرح الندم إزاى تكويه
مغص بكلى وجع مجرى الشراب حاويه
عرقسوس حلبة حصا حلفا برا أغليه
إستحمل قدر ماتقدر كوب الصبر أسقيه
صابر ياعم صابر على اى محطة ألاقيه
قالوا عليه مسافر مكشوف نايم غطيه.
اوقات وكله راجع بحضن التراب تاويه
لامال قارون حينفع قلب النوى صافيه
يابحر مابعرف عوم لبر الامان عديه
فى غمرة موجة وغطسة حلم اغرق فيه
قاعد كافى خيرى شرى خبر سار احكيه
دق الباب زيارة حبل الوصال راعيه
ارزاق يادنيا كله فان طمع الجشع ماليه
رخيصة الضحكة بنية صافية خاويه
إفتكرنا القط جه ينط
قاعد كافى خيره شره لا بيه ولا عليه
...........
بقلم....عبدالمنعم السقا
ليست هناك تعليقات:
إرسال تعليق