////////+++يابو القاسم+++////////
يابو القاسم يا محبوبي
في قلبي باقي مطلوبي
انت للي ف عيوني عالي
في قلبي يالساكن بالي
يا عشيق الامة بك مجنون
في مدحك نركب لقوافي
ونسافر بيها ف ولافي
مدحك ياك يزول حزاني
يامول شفاعة العدناني
ف القبة الخضرة لي تظهر
انت الهادي داك لمخنثر
سيدي عندك نلقى خيري
ونقول لخطواتي سيري
من كاس محبتك ياك شارب
ف سفينتك مولاي ياك هارب
وانا مهاجر سيدي معاك
غير درني ياحبيبي احداك
صلى عليك ربي ياك ف سماه
من حبك وملايكو امعاه
يالهادي غير يفهموني
ارسالتك حق مايلوموني
ربي يزول كل عتاري
في حضنك نفوز يامخثاري
بقلم صقر الحروف الزجال المحجوب بوسبولة
ليست هناك تعليقات:
إرسال تعليق