طرح المحبه.
عبدالله رجب ابوعدنان
لميت طرح المحبه وعبيت ف قراطيس
والصحبية محبوسة ومقفولة بترابيس
اماشي الأصيل وابعد عن الخسيس
فية ناس شبة الملايكة
وناس بيتعلم منها إبليس
وياما أحلا الفرحة واللمة
اخوات متجمعين ليلة خميس
لو معذور ف شوية فكة
للجدعنة خليك وريث
ومهما جار عليك الزمن
بالحيا مرفوع وحسيس
حب الناس مش خوف ولا جبن
وعمر ما كان الحب تدليس
ف عز الألم و المحن
محتاج دايما لصاحب وونيس
حتى وانت ملفوف ف كفن
طرح المحبه أحسن جليس
حب الناس غالي التمن
والعلام مش بس ف الكراريس
وأنا بينهم عمري ما أحس بالوهن
والقلب يفرح ويهيص
ولاد بلدي طرح المحبه
وانا زرعة طرحت غناوي
ضحكه حلوة وحكاوي
والفرح فرح سماوي
وأغلى تحية لأجمل عروسة وعريس
ليست هناك تعليقات:
إرسال تعليق