//////+++يابراد +++//////
يابراد ياحبيب الكيسان
يامونس وراوي كل عطشان
قدامي ياللي لي محضر
فوق المجمر ياك مشحر
من عنبوبك لخيال يخرج
من كبتك نشوف ونتفرج
جامع لحباب من كل اصناف
تروي تسقي ديما ولاف
منك لحروف وانا كنشوف
فوق الطابلة كلشي معروف
كيسان لنغامك ياك صاغية
سينية لمقامك راضية
هذا شاعر هذا زجال
هذا بوهالي مول الحال
هذا مجدوب مايعرف كدوب
هذا حاضر امرو مغلوب
وانا الساقي عايش حوالي
اعشقتك امبرد هوالي
صحبتك نعمة لي كتفاجي
ديما مونسني وتحاجي
نتبادلو كل جميل لحديث
لاتقول ليا راني اعييت
ياك مرة غير وانا وياك
تتتحداني ياك ونتحداك
امسلمني لزهار ماثذبال
وانا حالي عاشق لخيال
لحروف ساكناني من اقديم
كمطار نازلة من داك الغيم
يامونسني كل ليلة ويوم
ومكلم ليا سرار نجوم
بقلم صقر الحروف اللزجال المحجوب بوسبولة
ليست هناك تعليقات:
إرسال تعليق