قومي يابهيه
ــــــــــــــــــــــــــ
في عز الضلمه طلعت شمس الصبح علينا
قومي يابلدنا وحـــطي ايديكي ويا إيدينا
قومي نبنيكي ونعليـــكي وانتي خــــدينا
جـوه حضنك وحشنا ضمك قومي ضمينا
قومي يابهيه قومي يامصـر ياغاليه علينا
قومي يابهيـــه لمي ولادك من حــواليكي
اروي أرضك يخضرزرعك دوري سواقيكي
علي شط نيلك يطــرح نخيلك والبساتين
ماليه ربوعك والقمـــحه دهبه للشقيانين
قومي يابهيه قومي يامصر خدينا ضمينا
ضمي ولادك الفلاحين
الشقيانيين التعـبانين
والعـمال السهـــرانين
حب اللولي عرق الجبين
ولا جندي علي الحدود
سلاح في ايده مليان بارود
ولا موظف مخلص أمين
شايل همك جــوه العين
قومي يابهيه ياما دقت ع الراس طبول
ياما شيلتي واتحملتي من الحمول
افردي طولك وارفعي رايتك
وسط عيالك ارفعي هامتك
بكره يطلع فجرك وشمسك
مهما ليل العتمه يطول
قومي يابهيه قومي يامصر
ياغاليه علينا
ـــــــــــــــــــــــــــــ
شعر السيد حماد
ليست هناك تعليقات:
إرسال تعليق